സ്നേഹസമ്മാനം !!

ഓർക്കുന്നുണ്ടോ നീ, അന്ന് നമ്മൾ പരസ്പരം
കൈ മാറിയ സ്നേഹസമ്മാനം !!

ഞാൻ തന്നതും സ്വീകരിച്ച് നീ തിരിച്ചു നടന്നപ്പോൾ
എനിക്കുറപ്പായിരുന്നു നിന്റെ കൈകളിലതു ഭദ്രമാണെന്ന്. !!

നീ തന്ന സമ്മാനം എന്റെ ഹൃദയത്തോട് ചേർത്ത് വെച്ച്
ഇന്നും ആ നിമിഷം ഞാൻ സ്വപ്നം കാണാറുണ്ട്..!!

പക്ഷേ നമുക്കറിയാം പരസ്പരം കൈമാറിയ ആ സമ്മാനം
ഒരിക്കൽ തിരിച്ചു തരേണ്ടി വരുമെന്ന് !!

എന്നിട്ടും എന്തേ നമ്മളത് ഇന്നും
ഭദ്രമായി തന്നെ കാത്തു സൂക്ഷിക്കുന്നു ?!

മറക്കുവാനാവില്ല നമുക്കത്... കാരണം
അന്നുനമ്മൾ കൈമാറിയത് നമ്മുടെ മനസ്സാണ്. !!

എന്നുമെന്നും നീ എന്നോടുകൂടെ ഉണ്ടാകും എന്ന്
ഇപ്പോഴും അതെന്നെ ഓർമിപ്പിക്കാറുണ്ട്..!!

ജീവിതത്തിൽ എവിടെ ആണെങ്കിലും
ഒരിത്തിരി സ്നേഹം നീ എനിക്കായി മാറ്റി വെക്കും എന്ന്
ഇപ്പോഴും എനിക്ക് പ്രതീക്ഷയുണ്ട്..!!

മറ്റൊരു വസന്തത്തിൽ കണ്ടുമുട്ടുമ്പോൾ
പരസ്പരം കൈമാറാൻ ഒന്നുമില്ലെങ്കിലും -
തമ്മിൽ കാണാനും കണ്ണുകൾ കൊണ്ട് കഥ പറയാനും
ഞാൻ ഇന്നും കൊതിക്കുന്നുണ്ട്.!!

ഓർമകളിൽ ഊഞ്ഞാലാടി,
സ്നേഹഗായകന്റെ പാട്ടിനു കാതോർത്ത്
കാത്തിരിപ്പ് തുടരുന്നു...